मोठ्या स्तरावर समाजाची सेवा करण्याच्या उद्देशाने पराग शाह जी यांनी राजकारणात प्रवेश केला. आणि फेब्रुवारी २०१७ मध्ये पार पडलेल्या निवडणुकीमध्ये घाटकोपर पूर्व , प्रभाग क्रमांक १३२ येथे भारतीय जनता पक्षाचे नगरसेवक म्हणून निवडून आले. नगरसेवक म्हणून निवड झाल्यानंतर लगेचच त्यांनी स्वयंसेवकांची एक तुकडी तयार केली तसेच घाटकोपरच्या विकासासाठी व विविध योजनांच्या अंमलबजावणीसाठी अभियंता, डॉक्टर, आर्किटेक्ट, चार्टर्ड अकाउंटंट्स क्षेत्रातील तज्ज्ञांना आमंत्रित करून सक्रिय पुढाकार घेतला. पराग शाह जी यांच्या नेतृत्वाखाली काम करणारे एक समर्पित पथक प्रभाग क्रमांक १३२ मध्ये बीएमसी, वाहतूक पोलीस, आरटीओ, रेल्वे इत्यादी विभागांमध्ये पुढाकार घेऊन काम करण्यासाठी तैनात झाले. ते नगरसेवक म्हणून निवडून येताच त्यांनी सर्व जाती आणि समुदायातल्या लोकांच्या तातडीच्या गरजांसाठी विनाशुल्क रुग्णवाहिनी तैनात केली. पराग शाह जी यांनी आरटीओ व रहदारी विभागातील वाहतुकीच्या नियमित व्यवस्थापनासाठी आणि सुरळीत चालणाऱ्या वाहतुकीस अडथळा आणणाऱ्या काही महत्वाच्या ठिकाणी डिव्हायडर्स, ट्रॅफिक सिग्नल्स आणि ट्रॅफिक वॉर्डन्स ( जे त्यांच्या पगारावर आहेत ) तैनात केले आहेत. एवढेच नाही तर त्यांनी घाटकोपर येथील रहिवाश्यांच्या सोयीसाठी ७०४५६७१००८ हा व्हाट्सएप क्रमांक लाँच केला आहे जेणेकरून रहिवाशांच्या काही तक्रारी किंवा अडचणी असतील तर ते नंबर वर मेसेज करू शकतात. म्हणजे टीम मधली माणसे या तक्रारींचे निराकरण करू शकतील. अत्तापर्यंत पराग शाहजींच्या नेतृत्वाखाली टीम ने ९९ टक्के तक्रारींचे निराकरण केल्याचा यशस्वी रेकॉर्ड आहे. गरोडिया नगरचे रस्ते जे अनेक वर्षांपासून तसेच पडले होते त्यांच्या काँक्रिटीकरणासाठी पराग शाह जी यांनी स्वतःहून पुढाकार घेतला जे यावर्षी काँक्रिटीकरणाचे काम यशस्वीरीत्या पूर्ण झाले. यामुळे मुख्यतः जलसंचय रोखण्यास मदत झाली, वाहतुकीची सुरक्षित सुलभता सुनिश्चित झाली आणि गरोडिया नगर मधील शाळेत जाणाऱ्या मुलांसाठी आणि रहिवाश्यांसाठी सुरक्षित मार्ग उपलब्ध करून देता आला. इतकेच नव्हे तर पराग शाह जी यांनी प्रभाग क्रमांक १३२ मधील बागांचे सुशोभीकरण, रस्त्यांवर ठिकठिकाणी एलईडी बल्ब, सुरळीत मार्ग तयार करणे, बागेमध्ये बेंच बसवण्यापासून ते ९००० पेक्षा जास्त झाडे लावण्यात प्रामुख्याने पुढाकार घेतला.

पराग शाह हे घाटकोपर मधील श्री रामजी आशर विद्यालय हायस्कुलचे विश्वस्त आहेत. याच शाळेत त्यांनी शालेय शिक्षण पूर्ण केले. इंग्रजी माध्यमाची शाळा सुरु करण्यासाठी इमारत बांधण्यात पुढाकार घेतला. पुलवामा येथे झालेल्या भीषण हल्ल्यानंतर पराग शाह जी यांनी सैन्यदलाकरता निधी गोळा करण्यासाठी मोहीम राबवली. आणि नागरिकांकडून जवळपास ४० लाख रुपयांचा निधी जमा केला. आणि घाटकोपर विभागाच्या वतीने ४० लाख रुपयांच्या सन्माननीय योगदानाने संग्रहात प्रथम स्थान पटकावले. तसेच सैन्य दलासाठी स्वतःहुन आर्थिक मदत म्हणून स्वखर्चाने ८० लाख रुपयांचा निधी दिला. महाराष्ट्रात नुकत्याच आलेल्या दुदैवी पुरामुळे सांगली तसेच कोल्हापूर मधल्या बऱ्याच लोकांचे हाल झाले. काही जण बेघरसुद्धा झाले. तेव्हा पराग शाह जी यांनी मुख्यमंत्र्यांच्या मदत निधीला २५ लाख रुपयांचा धनादेश देऊन हातभार लावला आणि नागरिकांकडूनही जवळपास १८ लाख रुपयांचा नाही निधी गोळा केला. याव्यतिरिक्त औषधे, पाकडे, भांडी इत्यादी पूरसामग्री पुरवली.

पराग शाह यांनी अलीकडेच त्यांच्या कंपनीचे व्यवस्थापकीय संचालक म्हणून आपले पद सोडून आपल्या विविध धार्मिक,सामाजिक आणि राजकीय कार्यांसाठी संपूर्ण लक्ष केंद्रित केले.